பாகிஸ்தானின் பஞ்சாப் மாகாணத்தில் ரயில் பாதை வழியாகச் சென்ற பள்ளிப் பேருந்து மீது ரயில் மோதியதில் 3 மாணவர்கள் உயிரிழந்தனர் மற்றும் 9 பேர் காயமடைந்தனர்.
பாகிஸ்தானின் பஞ்சாப் மாகாணத்தில் உள்ள ஷேகுபுரா என்ற இடத்தில் ஜரன்வாலில் இருந்து லாகூர் சென்ற ரயில், பள்ளி பேருந்து மீது மோதியது. விபத்து நடந்த இடத்துக்கு ஆம்புலன்ஸ் மற்றும் மீட்பு குழுவினர் அனுப்பி வைக்கப்பட்டனர். இந்த விபத்தில் 3 மாணவர்கள் உயிரிழந்துள்ளதாகவும், 9 பேர் காயமடைந்துள்ளதாகவும் உள்ளூர் வட்டாரங்கள் தெரிவித்துள்ளன.
படுகாயம் அடைந்த மாணவர்களில் 3 பேரின் நிலை கவலைக்கிடமாக உள்ளதாக தகவல் வெளியாகி உள்ளது.
விபத்து நடந்த இடத்தில் லெவல் கிராசிங் இல்லாததால், பள்ளி பேருந்து கட்டுக்கடங்காமல் ரயில் தண்டவாளத்தில் கவிழ்ந்து விபத்துக்குள்ளானது. விபத்தை அடுத்து பஸ் சாரதி அங்கிருந்து தப்பிச் சென்றுள்ளதாக தெரிவிக்கப்பட்டுள்ளது.
கருத்து தெரிவிப்பதில் முதலில் இருங்கள்