காங்கோ ஜனநாயகக் குடியரசின் தென்கிழக்கில் உள்ள டாங்கனிகா பகுதியில் ரயில் தடம் புரண்டதில் ஏற்பட்ட விபத்தில் குறைந்தது 50 பேர் உயிரிழந்தனர்.
ராய்ட்டர்ஸ் செய்தியின்படி, மனிதாபிமான விவகார அமைச்சர் ஸ்டீவ் எம்பிகாய், மைபரிடி நகரில் அதிகாலை மூன்று மணியளவில் இந்த விபத்து நிகழ்ந்ததாகக் கூறினார். இந்த விபத்தில் குறைந்தது 50 பேர் இறந்ததாகவும், 23 பேர் காயமடைந்து மருத்துவமனைக்கு கொண்டு செல்லப்பட்டதாகவும் எம்பிகாய் கூறினார்.
“விபத்தில் உயிரிழந்தவர்களின் குடும்பத்தினருக்கு அரசு சார்பில் எனது இரங்கலையும், காயமடைந்தவர்களுக்கு எங்களது நல்வாழ்த்துக்களையும் தெரிவித்துக்கொள்கிறேன்” என்று அமைச்சர் ட்விட்டரில் தெரிவித்துள்ளார்.
காங்கோவில் ரயில் தடங்கள் சரியாக பராமரிக்கப்படவில்லை, மேலும் பெரும்பாலான என்ஜின்கள் 1960 களில் இருந்தவை. அதனால், ரயில் போக்குவரத்தில் ஏற்படும் விபத்துகளால், பலத்த உயிர் இழப்பு ஏற்படுகிறது.
கருத்து தெரிவிப்பதில் முதலில் இருங்கள்