நெடுஞ்சாலை கட்டுமானத்தில் ஏற்பட்ட நிலச்சரிவில் 19 பேர் பலி

நெடுஞ்சாலை கட்டுமானத்தில் ஏற்பட்ட நிலச்சரிவில் 19 பேர் பலி: சீனாவின் ஷான்ஷி மாகாணத்தில் ஏற்பட்ட நிலச்சரிவில் 19 பேர் உயிரிழந்தனர். மாகாணத்தின் யானான் நகரில் நெடுஞ்சாலை விரிவாக்கப் பணியின் போது ஏற்பட்ட மண்சரிவில் 19 பேர் உயிரிழந்துள்ளதுடன் மேலும் இருவர் காயமடைந்துள்ளதாக தெரிவிக்கப்பட்டுள்ளது. ஹுவாங்லிங் நகரை யானான் நகரை இணைக்கும் நெடுஞ்சாலை விரிவாக்கப் பகுதியில் ஏற்பட்ட நிலச்சரிவில் உயிரிழந்தவர்கள் அனைவரும் தொழிலாளர்கள் என்றும், 9 தொழிலாளர்கள் சம்பவ இடத்திலேயே உயிரிழந்தனர் என்றும், 10 தொழிலாளர்கள் மருத்துவமனையில் உயிரிழந்தனர் என்றும் தெரிய வந்துள்ளது. காயமடைந்த இரண்டு தொழிலாளர்களுக்கு சிகிச்சை தொடர்கிறது. சம்பவம் தொடர்பிலான விசாரணைகள் தொடரும் அதேவேளை, மேலும் அசம்பாவிதங்களைத் தடுக்க உள்ளூர் அதிகாரிகள் புவியியல் ஆய்வுகளை ஆரம்பித்துள்ளனர் என்பது குறிப்பிடத்தக்கது.